Lauren graduated from Oxford with a degree in Biochemistry and has been travelling around the world since June. So far she’s visited 7 countries and taken 18 flights, and spent no more than £4000. Lauren is here in Adelaide and is sharing her experience and tips to make your dream travels at minimum costs. Date: 12-03-2019, Time: 6pm, Venue: Keli Hub Glen Osmond- 596 Portrush Road Glen Osmond SA 5064-- ​

കേളി മൂവി ക്ലബ് സംഘടിപ്പിച്ച ഡോക്യുമെന്ററി പ്രദർശനം 5/8/2018 നു കേളി ഹബ് ഗ്ലെൻ ഓസ്‌മോൻഡ് , അഡലൈഡിൽ വെച്ചു നടന്നു. ഡോക്യൂമെന്ററികളെ വളരെ ഗൗരവപൂർവം സമീപിക്കുന്ന അറുപതോളം അഡലൈഡ് മലയാളികൾ പങ്കെടുത്ത പ്രദർശനവും ചർച്ചയും സജീവവും ആസ്വാദ്യകരവും ആയിരുന്നു .
വേലുത്തമ്പിദളവയുടെ വീരചരിത്രം പറയുന്ന “SWORD OF LIBERTY”, ആയിരത്തിതൊള്ളായിരത്തി അറുപതുകളിലെ മലയാളി നഴ്സുമാരുടെ ജർമൻ കുടിയേറ്റവുമായി ബന്ധപ്പെട്ടിട്ടുള്ള “TRANSLATED LIVES" എന്നീ ഡോക്യൂമെന്ററികളും, സംസ്ഥാന ദേശീയ അന്തർദേശീയ പുരസ്കാരങ്ങളടക്കം നിരവധി അംഗീകാരങ്ങൾ കരസ്ഥമാക്കിയ ഡയറക്ടർ ശ്രീമതി ഷൈനി ജേക്കബ് ബെഞ്ചമിന്റെ സാന്നിധ്യവും തുടർന്നുള്ള ചോദ്യോത്തര വേളയും പരിപാടിയെ തികച്ചും വേറിട്ടതും ആസ്വാദ്യകരവുമാക്കി.

മലയാള സിനിമാ ഡോക്യുമെന്ററി രംഗത്തെ ശക്തമായ സ്ത്രീ സാന്നിധ്യം ഷൈനി ബെഞ്ചമിന്റെ ഓസ്‌ട്രേലിയൻ പര്യടനം ജൂലൈ 28 ന് മെൽബണിൽ ആരംഭിക്കുന്നു. രണ്ടു നാഷണൽ ഫിലിം അവാർഡുകൾ, ഏഴു സംസ്ഥാന ചലച്ചിത്ര പുരസ്‌കാരങ്ങൾ ഉൾപ്പടെ ഇരുപതോളം ദേശീയ അന്തർദേശീയ പുരസ്‌കാര ജേതാവാണ് ശ്രീമതി ഷൈനി.
ആദ്യകാലങ്ങളിൽ മാതൃഭൂമി, മനോരമ തുടങ്ങിയ പത്രങ്ങളിൽ ഫീച്ചർ റൈറ്റർ ആയിരുന്ന ഷൈനി പിന്നീട് ഏഷ്യാനെറ്റ്, ഇന്ത്യാവിഷൻ , ജയ്‌ഹിന്ദ്‌ തുടങ്ങിയ ചാനലുകളുടെയും ഭാഗമായിരുന്നു. 1999 ൽ ശ്രീ.കാനായി കുഞ്ഞിരാമനെ കുറിച്ചുള്ള "കാനായി കാഴ്ചകൾ(2000)" എന്ന ഡോക്യുമെന്ററി ഒരുക്കി സംവിധായക രംഗത്തേക്ക് പ്രവേശിച്ച ഷൈനിയുടെ അർത്ഥ പൂർണ്ണമായ സിനിമാജീവിതം, മഹാനായ പോരാളി വേലുത്തമ്പി ദളവയെ കുറിച്ചുള്ള "സ്വോർഡ്‌ ഓഫ് ലിബർട്ടി(2017)" യിൽ എത്തി നിൽക്കുന്നു.

കേളി മൂവി ക്ലബ് അഡലൈഡിൽ ഷൈനിക്ക് വേദി ഒരുക്കുന്നു.
Program : ഡോക്യുമെന്ററി പ്രദർശനവും ഡിസ്കഷനും.
Date : Sunday 5 August 2018
Time : 6 pm
Venue : Keli Hub Glen Osmond - 596 Portrush Road, Glen Osmond, SA 5064
Contact : 0426262174 / keli@questsr.com
Free Entry
ഏവർക്കും സുസ്വാഗതം!

​ലോകത്തിലെ ഓരോ സംസ്കാരത്തിനും മാനവരാശിയോളം തന്നെ പഴക്കം ഉണ്ട്. സംസ്കാരങ്ങളുടെ വൈവിധ്യം നിറഞ്ഞ ഈ ലോകത്തു നമ്മുടെ സംസ്കാരത്തിന്റെ തനിമ നഷ്ടപ്പെടുത്താതെ തന്നെ മറ്റു സംസ്കാരങ്ങളോട് ഒത്തുചേർന്നും  അവയിൽനിന്നുള്ള നന്മകൾ ഉൾകൊണ്ടുകൊണ്ടും, നമ്മുടെ നന്മകൾ മറ്റുള്ളവർക്ക് പകർണൂകൊടുത്തും ഒരു വിശാല കാഴ്ചപ്പാടുള്ള മനുഷ്യനായി നമ്മെ ഓരോരുത്തരെയും വാർത്തെടുക്കാം എന്ന ലക്ഷ്യത്തോടെയുള്ള പഠനങ്ങളും , ഗവേഷണങ്ങളും, പ്രവർത്തനങ്ങളും ആണ് കേളി അഡലൈഡിൻറ്റെ  പ്രവർത്തന രീതി.
ഓസ്ട്രേലിയയിലുള്ള സാംസ്കാരികമായ വൈവിധ്യം ഞങ്ങളുടെ ഈ ലക്ഷ്യത്തിനു ഏറ്റവും പറ്റിയ അന്തരീക്ഷം നൽകുന്നു.
ഞങ്ങളുടെ പഠനങ്ങളിലും ചർച്ചകളിലും പരിപാടികളിലും ലോകത്തുലുള്ള വിവിധങ്ങളായ സംസ്കാരങ്ങളും ഭാഷകളും സാഹിത്യങ്ങളും കലകളും ആശയങ്ങളും പ്രത്യയശാസ്ത്രങ്ങളും വിഷയങ്ങളായി എടുക്കുകയും അതിലൂടെ അറിവ് പകർന്നു കൊടുത്തും അറിവ് സമ്പാദിച്ചും വിശാലമായ കാഴ്ചപ്പാടുകളുള്ള മനുഷ്യ സമൂഹം എന്ന ലക്ഷ്യത്തിലെത്തിച്ചേരാനായി ശ്രമിക്കുകയുമാണ് ചെയ്യുന്നത്.
ഓസ്ട്രേലിയൻ പര്യടനത്തിനായി എത്തിയ ശ്രീ M A ബേബിക്ക് ഞങ്ങൾ അഡലൈഡിയിൽ അദ്ദേഹത്തിന്റെ ചിന്തകളും ആശയങ്ങളും അവതരിപ്പിക്കുവാൻ വേദി ഒരുക്കി. ഇടതു പക്ഷ ചിന്തകനും മുൻ കേരള സാംസ്‌കാരിക, വിദ്യാഭ്യാസ മന്ത്രിയുമെന്ന നിലയിൽ അദ്ദേഹത്തിന്റെ അനുഭവങ്ങളും, അഭിപ്രായങ്ങളും, ചിന്തകളും അഡലൈഡിയിലെ മലയാളികളുമായി അദ്ദേഹം പങ്കുവെക്കുകയും വൈവിധ്യമാർന്ന സാംസ്‌കാരിക പാരമ്പര്യമുള്ളവരും ചിന്താഗതിക്കാരുമായ അഡലൈഡിയിലെ മലയാളികളുമായി സംവാദം നടത്തിക്കയും ചെയ്തു.

​മെയ്‌ 11 വെള്ളിയാഴ്ച്ച അഡ്‌ലൈയ്ഡ്‌ കേളി ഹബ്ബിൽ സംഘടിപ്പിയ്ക്കുന്ന പൊതു പരിപാടി വൈകീട്ട്‌ ആറിനാണ്‌.
വിഷയം ‘മാധ്യമങ്ങളും സമകാലീന കേരളവും’.