|
കേളി അഡലൈഡിന്റെ എട്ടാമത്തെ പൊതു പരിപാടിയായ " മലയാളിയും മാന്ത്രിക പരിഹാരങ്ങളും "
എന്ന വിഷയത്തെ ആസ്പദമാക്കിയുള്ള ആശയ സംവാദം ഏപ്രിൽ 21 നു അഡലൈഡിൽ unly കമ്മ്യൂണിറ്റി ഹാളിൽ സംഘടിപ്പിച്ചു.ഈ ക്ലാസ് നയിച്ചത് പ്രശസ്ത ചിന്തകനും ,എഴുത്തുകാരനുമായ പ്രൊഫ്. സി രവിചന്ദ്രൻ ആണ്. മലയാളി ഇന്ന് മാന്ത്രിക പരിഹാരങ്ങളും അന്വേഷിച്ചുള്ള യാത്രയിലാണ്.ജീവിതത്തെ കൂടുതൽ യാഥാർഥ്യ ബോധത്തോടെ കാണുവാനും ദുരാചാരങ്ങളുടെയും അന്ധവിശ്വാസങ്ങളുടെയും പിറകെ പോവാതെ ഓരോ വ്യക്തിയും തന്റെ ജീവിത വീക്ഷണത്തിലും ചിന്തകളിലും സ്വാതന്ത്രരാവണം എന്നതായിരുന്നു പ്രൊഫ.രവിചന്ദ്രൻ ഈ ക്ലാസ്സിലൂടെ പ്രെസെന്റ് ചെയ്തതും ചർച്ച ചെയ്തതും .പരിണാമ സിദ്ധാന്തവും, സൃഷ്ടി സ്ഥിതി വാദ സിദ്ധാന്തവും വളരെയേറെ ചർച്ച ചെയ്യപ്പെട്ടു.കേവലം 6000 വർഷങ്ങൾ മാത്രം പഴക്കമുള്ള നാമിന്നു കാണുന്ന സെമറ്റിക് റിലീജിയൻറെ ആധാരം എന്ന് പറയുന്നത് സൃഷ്ട്ടി സ്ഥിതി വാദം ആണ് എന്ന് അദ്ദേഹം പറഞ്ഞപ്പോൾ,അതല്ല മനുഷ്യ മനസുകൾക്ക് എപ്പോഴും പിന്ബലമേകുന്ന,ധൈര്യം പകർന്നു നൽകുന്ന വിശ്വാസം സൃഷ്ട്ടി സ്ഥിതി വാദത്തിന്റേതാണെന്നും അതാണ് ശരി എന്നും ഒരു വിഭാഗം വാദിക്കുകയുണ്ടായി.പ്രൊഫ്.രവിചന്ദ്രൻ പരിണാമ സിദ്ധാന്തത്തിനും, സയൻസിനും പ്രാധാന്യം നൽകിയപ്പോൾ അതിനെ അനുകൂലിച്ചും,ഖണ്ഡിച്ചും സംസാരിച്ചവർ ഉണ്ടായിരുന്നു. നാം ജീവിക്കുന്ന ഈ ബഹുമുഖ സാംസ്കാരിക ജീവിത ചുറ്റുപാടിൽ നമ്മിൽ പലരും വിവിധ തരത്തിലുള്ള വ്യക്തികളെ ദിനം പ്രതി കണ്ടുമുട്ടുകയും ചിലപ്പോൾ അവരോടൊപ്പം പ്രവർത്തിക്കേണ്ടിയും വരുന്നവരാണ്.അവരിൽ പലരും വ്യക്തമായ രാഷ്ട്രീയമുള്ളവരും,അതിതീവ്ര മതവിശ്വാസികളും,വർഗീയ വാദികളും,ജാതിചിന്ത ഉണർത്തുന്നവരും,നാസ്തികരും,വിപ്ലവചിന്താഗതിക്കാരും,മണ്ണിന്റെ മക്കൾ വാദക്കാരും,കടുത്ത പാട്രിയോട്ടിക് ചിന്താഗതിക്കാരും,പ്രായം,നിറം,വർണം,ജൻഡർ,വിവിധ ലൈംഗീക താല്പര്യം എന്നിവയെല്ലാം സസൂഷ്മം നിരീക്ഷിക്കുന്നവരും ഒക്കെയുണ്ടാവാം.എങ്കിലും ഇവരെയെല്ലാംഉൾക്കൊള്ളുവാനും, ആരോടും മുഖം കറുപ്പിക്കാതെ എല്ലാവരെയും അംഗീകരിക്കാനും,സ്വീകരിക്കാനും ഉള്ള ഒരു മനസ്സ് എങ്ങനെ ഉണ്ടാക്കാം സർവോപരി ഒരു ആഗോള മനുഷ്യനാകാൻ (Global Human Being) എങ്ങനെ ശ്രമിക്കാം എന്നുമാണ് ഇത്തരം ക്ലാസ്സുകളിലൂടെയും,സംവാദങ്ങളിലൂടെയും കേളി ലക്ഷ്യമിടുന്നത്.ഇതുപോലെ നൂതന ആശയങ്ങളും ചിന്തകളും വ്യക്തികളിലേക്കു എത്തിക്കുക എന്ന ലക്ഷ്യത്തോടെയുള്ള പ്രവർത്തനങ്ങൾക്കാണ് ഞങ്ങൾ ശ്രമിക്കുന്നത്.വ്യക്തികൾക്കു എങ്ങനെ അവരുടെ ചിന്തകളെ സ്വാതന്ത്രമാക്കികൊണ്ടു സഹിഷ്ണുതയുടെയും സഹോദരിയതിന്റെയമായ ഒരു സന്തുലിത ജീവിതം എങ്ങനെ കെട്ടിപ്പടുക്കാം എന്നുമാണ് ഇതുകൊണ്ടു അർത്ഥമാക്കുന്നത്.
0 Comments
Prof രവിചന്ദ്രൻ നയിക്കുന്ന ആശയ സംവാദ ക്ലാസ് ലോകത്തിലെ ഓരോ സംസ്കാരത്തിനും മാനവരാശിയോളം തന്നെ പഴക്കം ഉണ്ട്. സംസ്കാരങ്ങളുടെ വൈവിധ്യം നിറഞ്ഞ ഈ ലോകത്തു നമ്മുടെ സംസ്കാരത്തിന്റെ തനിമ നഷ്ടപ്പെടുത്താതെ തന്നെ മറ്റു സംസ്കാരങ്ങളോട് ഒത്തുചേര്ന്നും അവയിൽനിന്നുള്ള നന്മകൾ ഉൾകൊണ്ടുകൊണ്ടും നമ്മുടെ നന്മകൾ മറ്റുള്ളവർക്ക് പകർണൂകൊടുത്തും ഒരു വിശാല കാഴ്ചപ്പാടുള്ള മനുഷ്യനായി നമ്മെ ഓരോരുത്തരെയും വാർത്തെടുക്കാം എന്നനുള്ള ലക്ഷ്യത്തോടെയുള്ള പഠനങ്ഗളും, ഗവേഷണങ്ങളും, പ്രവർത്തനങ്ങളും ആണ് കേളി അഡലൈഡ് ന്റെ പ്രവർത്തന രീതി. ഓസ്ട്രേലിയയിലുള്ള സാംസ്കാരികമായ വൈവിധ്യം ഞങ്ങളുടെ ഈ ലക്ഷ്യത്തിനു ഏറ്റവും പറ്റിയ അന്തരീക്ഷം നൽകുന്നു. ഞങ്ങളുടെ പഠനങ്ങളിലും ചർച്ചകളിലും പരിപാടികളിലും ലോകത്തുലുള്ള വിവിധങ്ങളായ സംസ്കാരങ്ങളും ഭാഷകളും സാഹിത്യങ്ങളും കലകളും ആശയങ്ങളും പ്രത്യയശാസ്ത്രങ്ങളും വിഷയങ്ങളായി എടുക്കുകയും അതിലൂടെ അറിവ് പകർന്നു കൊടുത്തും അറിവ് സമ്പാദിച്ചും വിശാലമായ കാഴ്ചപ്പാടുകളുള്ള മനുഷ്യ സമൂഹം എന്ന ലക്ഷ്യത്തിലെത്തിച്ചേരാനായി ശ്രമിക്കുകയുമാണ് ചെയ്യുന്നത്. ഓസ്ട്രേലിയൻ പര്യടനത്തിനായി എത്തുന്ന Prof രവിചന്ദ്രന് ഞങ്ങൾ അഡലൈഡിയിൽ അദ്ദേഹത്തിന്റെ ചിന്തകളും ആശയങ്ങളും അവതരിപ്പിക്കുവാൻ വേദി ഒരുക്കുന്നു. ഈ ആശയ സംവാദ ക്ലാസ്സിൽ പങ്കെടുക്കുവാൻ താൽപ്പര്യമുള്ളവർ 2017 ഏപ്രിൽ 21 നു 6pm - 9pm Unley Community Centre (18 Arthur Street, Unley SA 5061) എത്തിച്ചേരുക.  The Indian community started migrating largely to South Australia quite recently. Working in different roles and capacities of the society, the community initially prioritised stable income, education for their children and so on in their life. By nature, as the community seems to settle down in these aspects, the next level of needs started to surface. Establishing a connection with the larger community and exploring the different cultural forms started getting more importance. Formation of different cultural groups from among the community is a significant indicator of this trend. Currently there are more than 14 groups from among the community involving music and dance forms of India. Formation of the group Keli Adelaide's - "Theatre Art Club", also has similar historical thinking. Theatre is an art of Ensemble, wherein a group of people with different skill sets come together to bring out a final product which would be the theatre show. Theatre has a very strong place in Indian culture. Historically theatre has been used as a medium for expressing social injustice and initiating community movements which has contributed largely to the development of more just social laws. Local theatre groups and drama shows are a regular activity in the country. Many community members in South Australia has voiced their interest in exploring this art form and initiated discussion about how to get organised for the same.This initiative by Keli is to address these needs of the Indian community. The program includes a workshop – where any interested member from the community can join and explore the different possibility to express themselves. The workshop would be led by a professional artist from the field, who would help the interested participants to explore and contribute their different skills to design and bring out the final theatre product. Though the focus of the workshop would be to form a final product, the journey which the community does together in exploring different aspects of the product and finding the appropriate skill sets from among the community would be the core of the program. *********************************************************************************************നാടക കളരികലയെ ഇഷ്ടപ്പെടുന്നവരും നാടകത്തെ സ്നേഹിക്കുന്നവരുമായ അഡലൈഡിയിലെ മലയാളി സുഹൃത്തുക്കൾക്ക് കേളി അഡലൈഡ് ഒരുക്കുന്ന ഒരു പുതിയ അനുഭവമാണ് ഒരു മാസത്തോളം നീണ്ടുനിൽക്കുന്ന നാടക കളരിയും തുടർന്നുള്ള നാടകപ്രദര്ശനവും . ഈ നാടക കളരിയുടെ ചുക്കാൻ പിടിക്കുന്നത്, കഴിഞ്ഞ കാൽ നൂറ്റാണ്ടോളമായി ഇന്ത്യയിലും വിദേശത്തുമായി നിരവധി പരിശീലന കളരികൾ നടത്തി വരുന്ന പ്രശസ്ത നാടകാചാര്യനായ ഡോക്ടർ സാംകുട്ടി പാട്ടംകരി ആണ്. നാടക കളരി ഒരു കൂട്ടായ്മയുടെ കലയാണ് അതുകൊണ്ടുതന്നെ നാടക കളരി എന്ന പരിശീലന പരിപാടി ഒരു സാംസ്കാരിക ഇടപെടൽ കൂടിയാണ്. നമ്മുടെ തിരക്കേറിയ പ്രവാസ ജീവിതത്തിന്റെ സംഘര്ഷങ്ങളെയും പിരിമുറുക്കനകളെയും മറികടക്കാൻ ഉതകുന്ന ക്രിയാത്മകവും രസകരവുമായ ഒരു അവസരമാണ് ഈ നാടക കളരി. തീയേറ്റർ ക്യാമ്പുകൾ മറ്റു കലാ പരിപാടികളെക്കാൾ രസകരവും വ്യത്യസ്തവും ആകുന്നതിനു കാരണം, പങ്കെടുക്കുന്നവരെ ശാരീരികവും മാനസികവുമായി സജീവമാക്കാൻ കഴിയുന്ന ശാസ്ത്രീയമായ പരിശീലന ഘടകങ്ങൾ അതിലുണ്ടെന്നുള്ളതാണ്. ഈ പരിശീലന ക്യാമ്പിൽ ഉൾക്കൊള്ളിച്ചിരിക്കുന്ന പദ്ധതികൾ കേവലം ഒരു നാടകത്തിൽ മാത്രം ഒതുങ്ങുന്നവയല്ല. മറിച്ചു തുടർന്ന് കൊണ്ടുപോകുവാൻ കഴിയുന്ന ഒരു സ്വയം കണ്ടെത്തൽ പ്രക്രിയകൂടിയാണ്. നാടക കളരിയിലൂടെ കടന്നു പോകുന്ന മുഖ്യ വിഷയങ്ങൾ ഇതൊക്കെയാണ്: • ഒരു വിഷയത്തെ എങ്ങിനെയെല്ലാം സമീപിക്കാം, അത് എങ്ങിനെയെല്ലാം പറയുവാൻ കഴിയും • ഭാവനയെ വളർത്തുന്ന ഏതെല്ലാം ഘടകങ്ങൾ നമ്മുടെ ഉള്ളിൽ സജീവമാണ് എന്നുള്ള അന്വേഷണം • എങ്ങനെയാണ് നമ്മുടെ ശാരീരിക പ്രതികരണങ്ങൾ വളരുന്നത് • അങ്ങിനെ നമ്മുടെ ക്രിയാത്മകതയെ എങ്ങിനെ ഒരു സൃഷ്ടിയാക്കാം ഇതിലൂടെ ഉരുത്തിരിയുന്ന നാടകത്തെ ഒരു വേദിയിലവതരിപ്പിക്കുന്നതിലൂടെ നാടക കളരി പൂർണമാകുന്നു - See more at: http://www.keliadelaide.org/theatre-arts-club തീയേറ്റർ പരിശീലനവും കൂട്ടായ്മയും
Dr Samkutty pattomkary തീയേറ്റർ പരിശീലനം എന്നത് നമ്മിലെ കഴിവുകളുടെ സാധ്യതകളെ തിരിച്ചറിയുവാൻ പഠിപ്പിക്കുന്ന ഒരു വഴിയാണ്.ജീവിതത്തിന്റെ താളബോധത്തെ ക്രമപ്പെടുത്തികൊണ്ടു സത്വത്തിനുള്ളിലെ അവനവന്റെ ഉണ്മകളെ ദർശിക്കുന്നതിനുള്ള അവസരമാണ് ഇതിലൂടെ ലഭിക്കുന്നത്.അതായത് തീയേറ്ററിന് അനന്ത സാധ്യതകളാണ് മനുഷ്യ ജീവിതവുമായി ബന്ധപെട്ടു പറയുവാനുള്ളത്. Ensemble Art എന്ന് തന്നെയാണ് തീയേറ്റർ അറിയപ്പെടുന്നതും. നന്നായി ജീവിക്കാൻ വേണ്ടി കഷ്ടപെടുകയായിരുന്നു എന്ന് പറഞ്ഞുകേൾകാറുണ്ട്.എന്നാൽ അതെന്താണ്.. ഭൂമിയിൽ എത്രനാൾ ജീവിച്ചു മരിച്ചു എന്നുള്ളതല്ല പ്രധാനം മറിച്ചു എങ്ങനെ ജീവിച്ചു എന്നുള്ളതാണ് പ്രധാനം എന്ന് ഞാൻ കരുതുന്നു.അതായത് പാകമാകാത്ത പഴുക്കുന്ന പഴവും,നന്നായി പാകം വന്നു സ്വാഭാവികമായി പഴുത്ത പഴവും തമ്മിലുള്ള വ്യത്യാസം പോലെയാണിത്.വർത്തമാനകാലത്തിൽ ഭൂരിഭാഗം മനുഷ്യരും വളരെ നേരത്തെ തന്നെ ജീവിതത്തിൽ വാർദ്ധക്യം അനുഭവിക്കുന്നവരാണ്.എന്നാൽ ചുരുക്കം ചിലർ വാർദ്ധക്യത്തിലും ജീവിതത്തിന്റെ ചെറുപ്പവും,ഭാവനയും ആസ്വദിക്കുന്നവരുമാണ്.അവർക്കു ഭാവനപരമായി ജീവിക്കാൻ കഴിയുന്നത് കേവലമായ പണം കൊണ്ട് മാത്രമല്ല, പലരും ജീവിതത്തിൽ അനുഭവിക്കുന്ന ഒറ്റപ്പെടലിനും,ഏകാന്തതക്കുമെല്ലാം ഒരു പ്രതിവിധി കണ്ടെത്തുവാനുള്ള വഴി കൂടിയായി തിയേറ്ററിന്റെ പ്രവർത്തനങ്ങൾ മാറുന്നു എന്ന് ശാസ്ത്രീയമായി തെളിയിക്കപ്പെട്ടിട്ടുണ്ട്. ഓരോ വ്യക്തിയും അവനവനിലേക്ക് ഒരു എത്തിനോട്ടം നടത്തേണ്ടത് എപ്പോഴും അനിവാര്യമായ സംഗതിയാണ്.ഇത് അവന്റെ വ്യക്തിഗത ജീവിതത്തിൽ പച്ചപ്പ്‌ നിറഞ്ഞ വളരെയധികം മാറ്റങ്ങൾ വരുത്തുന്നതിന് കാരണമായി തീരുന്നു.അത് തന്നിലെ തന്നെ (താൻ എന്ന ഉണ്മയെ,വ്യക്തിത്വം) കണ്ടെത്തുന്നതിനും,ഓരോ നിമിഷവും പുതിയ ഉണർവും, സ്വയം പുതുക്കിപ്പണിയുവാനുള്ള ഊർജവും നമുക്ക് പകരുന്നതിനും സാധിക്കുന്ന ഒന്നാണ്.ജീവിതത്തിനു പുതിയൊരു താളക്രമം പകർന്നു തരുന്നതിനും ചിട്ടപ്പെടുത്തുന്നതിനും ഇത് എത്രമാത്രം ഉപകാരപ്രദമാകുന്ന എന്ന് ഇത്തരം ഒരു പ്രവർത്തനത്തിലൂടെ കടന്നു പോകുന്ന ആർക്കും മനസ്സിലാക്കാൻ കഴിയും. നമ്മുടെ ചുറ്റിലും ഒന്ന് കണ്ണോടിച്ചാൽ വളരെയേറെ കഷ്ടപ്പെട്ടു പഠനം നടത്തി ,അതുപോലെതന്നെ കഷ്ടപ്പെട്ട് ജോലി സമ്പാദിച്ചു ,അതിലുമേറെ കഷ്ടപ്പെട്ട് ജീവിതം നയിച്ച്,ജീവിതത്തിൽ നിന്നും വിരമിക്കുന്നവരാണ് നമ്മിലധികം പേരും.തിരിഞ്ഞു നോക്കുമ്പോൾ കുറെയധികം കഷ്ടപ്പാടുകൾ മാത്രമാണ് ഇതിന്റെ ബാക്കിപത്രം.ഒരു നിമിഷം ആലോചിച്ചു നോക്കൂ ..കുറച്ചു പണം സ്വരൂപിക്കാൻ കഴിഞ്ഞതിനുമപ്പുറം ശരിക്കും നാമൊക്കെ ജീവിക്കുകയാണോ? അതോ കഷ്ടപ്പെടുവാൻ വേണ്ടി മാത്രം അലയുകയാണോ.?അതോ ഇത് മാത്രമായിരുന്നോ നമ്മുടെ ഭാവനയിൽ ആഗ്രഹിച്ച ജീവിതം.? ഓരോ മനുഷ്യ ജീവനും ജീവിച്ചു തീർക്കുന്ന ഓരോ നിമിഷവും,മനസിനെ സ്വതന്ത്രമാക്കി താളക്രമവും,താളബോധവും ചിട്ടപ്പെടുത്തികൊണ്ടു ആനന്ദത്തിന്റെയും,ആസ്വാദനത്തിന്റെയും അവബോധം സ്വയം സൃഷ്ടിച്ചെടുത്തു മുന്നേറുവാൻ ഓരോരുത്തർക്കും കഴിയേണ്ടതുണ്ട് അഥവാ ശ്രമിക്കേണ്ടതുണ്ട്.ഇവിടെയാണ് തീയേറ്റർ വീണ്ടും കടന്നുവരുന്നത്.അതായത് ഇങ്ങനെയുള്ള ഒരു താളക്രമം ജീവിതത്തിൽ ചിട്ടപ്പെടുത്തുന്നതിനു തീയേറ്ററിനുള്ള സാദ്ധ്യതകൾ അനന്തമാണ്. വിഭജനങ്ങളാൽ കരുപ്പിടിപ്പിക്കപ്പെട്ടിട്ടുള്ളതാണ് ഇന്ന് നമുക്ക് മുന്നിലുള്ള സമൂഹം എന്ന നിർണയം.ആ സമൂഹം കല്പിച്ചു തന്നിട്ടുള്ള ഏതോ മതില്കെട്ടിനുള്ളിൽ കയറിയിരുന്നുംകൊണ്ടു ജീവിതത്തെ വീക്ഷിക്കുന്നവരാണ് നമ്മിലധികം പേരും.ജീവിതത്തിന്റെ ആസ്വാദനം എന്നുള്ളത് വിഭജിത സമൂഹം ധരിച്ചുവച്ചിരിക്കുന്ന ഒരു രീതിശാസ്ത്രമല്ല മറിച്ചു ഓരോ മനുഷ്യനും സ്വയം സൃഷ്ടിച്ചെടുക്കേണ്ട ഒരു കൂട്ടജീവിതത്തിന്റെ അവബോധമാണ്.ഇതാണ് തീയേറ്ററിലൂടെ ഓരോ കലാകാരനും തിരിച്ചറിയുവാൻ ശ്രമിക്കേണ്ടതും,സ്വായത്തമാക്കേണ്ടതും.ഒപ്പം നമ്മുടെ ആസ്വാദനത്തിനും, താളക്രമത്തിനുമപ്പുറം സമൂഹത്തിനും ഇതിലൂടെ ഊർജം പകർന്നു കൊടുക്കുവാൻ ആർജിത അനുഭവങ്ങളുടെ പിൻബലത്തിൽ നമുക്ക് സാധിക്കും.ഒരു പൂമൊട്ടായ് വന്നു തീയേറ്ററിലൂടെ നറുമണം പരത്തുന്ന മനോഹര പുഷ്പമായി തീരുവാൻ നമുക്കോരോരുത്തർക്കും സാധിക്കട്ടെ . നാമെല്ലാവരും ഒന്നിച്ചു നിന്നാൽ സുന്ദരമായ ഒരു പൂന്തോട്ടം തന്നെ ഈ സമൂഹത്തിനും ,വരും തലമുറക്കും നമുക്ക് കൈമാറുവാൻ കഴിയും എന്ന് കൂടി ഓർമിപ്പിച്ചുകൊണ്ട് നിര്ത്തുന്നു . നന്ദിയോടെ, Dr സാംകുട്ടി പട്ടംകരി . 
|
Editor: Keli News
Keli News Archives
August 2018
Categories
All
|
Photo used under Creative Commons from michael clarke stuff
